Nature Kids Kleuterskool - Pretoria

Nature Kids Kleuterskool & Creche is 'n voorskool op 'n kleinhoewe in die ooste van Pretoria, waar u kind die geleentheid kry om tot sy volle potensiaal te ontwikkel. Ons word ook beskryf as 'n plaasskool!
​
Ons visie is die harmonieuse ontwikkling van u kindjie ten opsigte van sy/haar geestelike, fisiese en intellektuele welsyn, sowel as om sosiale, estetiese, morele en godsdienstige vorming te bevorder.​ Ons doelwit is om ouers gemoedsrus te gee terwyl hul kinders in ons sorg is.

Nature Kids Kleuterskool en Creche is oop van Maandae tot Vrydae, 06h30 tot 18h00 met die opsie van voldag of halfdag. Gebalansseerde etes (ontbyt en middagete) is ingesluit in ons maandelikse fooi sowel as teetyd versnapperinge.

Ons voorskool klassies bied 'n standvastige kurrikulum deur  

Show more

die jaar, met oorgenoeg speeltyd tussen in. Ons gronde wat spog met 'n pragtige, opelug speelgrond en 'n verskeidenheid swaaie, sandputte en klimrame waarborg jubelende skaterlaggies wat konstant gehoor kan word. Nature Kids Kleuterskool en Creche bied ook die volgende addisionele aktiwiteite aan ter bevordering van ons kinders se ontwikkeling:

Swemlesse / Swemskool
Terapeutiese Perdry Lesse
Rugga Kids
Active English
Experi-Kids
Ballet
Kuns

Verskeie konserte en gebeure vind deur die jaar plaas om ons kindertjies se talente en harde werk ten toon te stel. Ons jaarlikse Ouma en Oupa dag is 'n groot gunsteling by ons Nature Kids families. Sien opkomende gebeure
​
Natuurkabouters is geregistreer by die Departement van Volkswelsyn en Bevolkingsontwikkeling.